Wednesday, July 20, 2011

പ്രകാശധാര


എന്റെ കണ്ണീരിനും വിയര്‍പ്പിനും ചോരയ്ക്കും
നീ ഒരിക്കലും അവകാശിയല്ല.
വിധിപറച്ചിലിന്റെ അന്ത്യദിനത്തില്‍
കനകസൂര്യന്റെ തിളങ്ങും രശ്മികള്‍
മറച്ചുപിടിക്കാന്‍ ശ്രമിക്കുന്ന
അവസാനത്തെ കഴുകനും
കരിഞ്ഞു ഭസ്മമായിക്കഴിയുമ്പോള്‍ ,
വിധികര്‍ത്താവായ നീ
അന്ധനായിച്ചമയും.
നിന്റെ അന്ധത
ലോകം ആഘോഷിക്കുമ്പോള്‍ ,
ഞാന്‍ എന്റെ യാത്ര തുടരും,
പതറാതെ,
ഒരു തുള്ളി കണ്ണീരുപോലും
നിനക്കായി എറിഞ്ഞുതരാതെ.

4 comments:

sakshi said...

നിന്റെ അന്ധത ലോകം ആഘോഷിക്കുമ്പോള്‍
ഞാന്‍ എന്റെ യാത്ര തുടങ്ങും...
നല്ല വരികള്‍.. ഇഷ്ടമായി

ആര്‍. ശ്രീലതാ വര്‍മ്മ said...

നല്ല വാക്കുകള്‍ക്ക് നന്ദി,സാക്ഷി.

പി എ അനിഷ് said...

ഒരു തുള്ളി കണ്ണീരുപോലും
നിനക്കായി എറിഞ്ഞുതരാതെ

ഇഷ്ടപ്പെട്ടു ടീച്ചര്‍
സ്നേഹം

ആര്‍. ശ്രീലതാ വര്‍മ്മ said...

സന്തോഷം,അനീഷ്‌...